بھوک، بیروزگاری اور کرپشن عروج پر ہے، غلام مرتضیٰ جتوئی

مورو (نامہ نگار) نیشنل پیپلزپارٹی (این پی پی) کے مرکزی چیئرمین غلام مرتضیٰ خان جتوئی نے کہا ہے کہ ملک اس وقت انتہائی نازک دور سے گزر رہا ہے اور پاکستان میں بھوک، بدحالی، بیروزگاری اور کرپشن عروج پر ہے جس کی مثال کہیں نہیں ملتی۔ وہ این پی پی کے مقامی رہنما یاسین ڈہلو اور صحافی علی شیر ڈیپر کی جانب سے دیئے گئے استقبالیے میں کارکنوں سے خطاب کر رہے تھے۔ اس موقع پر این پی پی ضلع نوشہرو فیروز کے صدر عبداللہ خان کورائی ایڈووکیٹ، محمد ہاشم نول، شہ بیگ بہرانی اور دیگر رہنما بھی موجود تھے۔ غلام مرتضیٰ خان جتوئی نے کہاکہ ملازمتیں رقم کے عوض فروخت کی جا رہی ہیں۔